Father’s Day Sticky Post: “Dahil Ako’y Tatay”


DAHIL AKO’Y TATAY

by: Brigido “Briggs” Napicog  (OFW-KSA)

Pitong tatauning, batang sumisigaw, tatay,tatay, tatay
Patakbong yumakap, sa amang dumating, galing hanap buhay
Sa mukhang kay amo, ay masasalamin mo, ang ligayang tunay
Sabik na kumalong, sa amang sang linggong, di niya nasilay

"Kalong"

Kahit na nga pagod, sa sanglinggong gawa, yaring kanyang ama
Anak na kaylambing, buong pagmamahal, niyakap din niya
Kasunod ng kanyang, malalim na hugot, ng buntong hininga
At nang kumawalay, napalis ang hapong, kanyang nadarama

Ito’y isang tagpo, ng ikot ng buhay, nang akoy naron pa
Nang akoy naron pa, sa sariling bansat , kasamay pamilya
Subalit nang dahil, sa pamilyang mahal, tumulak mag isa
Lumayo sa bansa, sapagkat pag asay, hindi ko makita

Sino sa atin ang, mulat mula pa ay, inibig malayo
Sa sariling bayang,kinasanayan na, ng isip at puso
At sino rin ba ang,ninais mawalay, higit pa nga lalo
Sa’ting kaibigan, kaanak kadugo’t, pamilyang binuo

Ikaw ako’t sila, di bat isasagot, wala kahit isa
Ngunit nagaganap, upang ang pangarap, mabigyang pag asa
Paanong di gayon sa sariling bansa, ay di nga makita
Liwanag sa daang, nilayong tahakin, nitong bawat isa

Dal’wang taong singkad, nagtiis naghirap, sa bansang kay init
Ngayon akoy lulan, ng isang sasakyan, na pang himpapawid
Habang naglalakbay, lumilipad din ang, diwa ko at isip
Di ko maitago, para sa pamilya, aking pagka sabik

Kung nooy sang linngo, kung akoy umuwi, galing hanap buhay
Ngayoy dal’wang taon , ano sa tingin nyo, tagpong masisilay
Anak kong kaylambing, ramdam ko na noon, mahal akong tunay
Hindi bat mas higit, dapat kong itugon, DAHIL AKOY TATAY.

Advertisements

One thought on “Father’s Day Sticky Post: “Dahil Ako’y Tatay”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s